| 個人檔案♡… 風來雨去.....♡ ｡◕‿◕｡風花雪☆❤相片部落格清單 |  工具  說明 |
|
♡… 風來雨去.....♡ ｡◕‿◕｡風花雪☆❤酒一杯❤醉醒∴ 22 April 沉重,害怕我好老實對你說出心底話，但是你好像又避開我一樣，
我還記得你曾經承諾了我，不會這樣對我的，希望是我多心想多了。 我不想隱藏我的思想，我其實好想當住你面前講清楚我既感受．．原來我做不到
所以唯有以文字上和你溝通。
但想不到沒有你的來電和ｓｍｓ，令我覺得我又好像做錯了，出發點錯了
心裡有些不安，眼紅了，不知怎算．．．我真的好害怕又一次失去了哥哥．． 22 August 颱風「鸚鵡」今日早上颱風「鸚鵡」仲係掛緊三號風球...點知一返到機場就話未來一小時改掛八號風球,真是激死人,又唔早些少掛...攪掂晒旅客資料就座返原車回家。
返到屋企去左飲茶,食左我最鍾既千層糕和豉汁牛肚....當然唔少得係皮蛋瘦肉粥啦>3<"食夠尼三樣,我已經飽飽了...早餐胃口細d....所以食少d...嗯嗯
之後就歸家上網...傾msn...聽著張信哲的[過火],想起一些片段....
曾經想擁有,但未還未到手,最後不了了之....保持著一種斷斷續續關係....
我以為我能夠以平常心渡過....但原來唔係我想像中的這樣.... 21 August 和民晚餐尋晚放工後同Jacky,呀維去左食和民....兩男一女剛好湊一個字"嬲",三個人食左四百幾蚊,好彩我地唔使俾錢...全部入晒公司數...哈哈!!
我最鍾意食超薄既薄餅好好味呀...我選左個勁辣海鮮炒飯,實在太肚餓喇,無飯落肚,我會飯死的...不過和民d野太貴又細碟...完全唔係我碟菜,如果下次要我俾錢,一定唔會係我選擇。
其實睇我表面身型,個個都以為我好細食-.-完全錯了...俾我外表呃左喇,
我胃口都幾大,一個飯盒食清光~"~仲要係一個食肉獸...但係體重依然冇增冇減...一直都keep住9x磅,從來未試過超出一百磅,尼樣野係我最自豪@.@
之後叫左兩渣清酒,飲酒係我弱項...次次飲完都成身紅晒,面紅紅,變左關公細妹....半醉半醒...不過總好過飲啤酒,次次飲唔夠一支啤酒就想嘔....嘔完大教訓,八人大橋搬我返屋企...
今次輪到Jacky送我歸家....哈哈~~ 6 August 命中註定我愛你
今日８號颱風，不用上班，留在家中全日看劇集！嗯．．自從電腦在上星期壞了後，拿給師傅整了差不多一星期，尋晚弟弟才把電腦拿回家，我忍不住看"命中註定我愛你"的結局。這是一齣台灣劇，開頭故事內容非常有趣，有點自傻呆呆，但去到中段，嘩．．．完全令我淚如泉水，實在太感人，多麼的擁有，多麼的不捨得、遺憾。
我好欣賞劇中的女主角（陳喬恩）也是台灣劇"王子變青娃"的女主角，這個台灣女生的劇必有保證，我十分喜歡她，很多人說她很有旺夫相，每次推出劇集，帶紅了男主角，她就要靠自己實力才慢慢紅起來，上次帶紅了明道，今次就帶紅了小天，不過我都是還記得"陳喬恩"這個名字。
突然，走進了前度的blog，看到很多結婚照片，我想應該是在上個月結了婚吧，首先在這裡祝新婚快樂，二人的照片照得很漂亮！回想起你對我和新娘子的感情之下，真的天和地比，不過我已經明白了，這只是我的問題，因為你已經教得我看清楚這個困局。現在的我已經應該有點兒成熟了，不再像以前，謝謝你。我想這叫做"命中註定我愛你"吧，記住要對新娘子好丫～
9 July Kelly演唱會終於都有時間整理上個月去睇kelly演唱會的相了,很高興又一次去看她的表演...由她出道到現在,我都是她的小歌迷....
看到她就快出嫁了...當然很不捨得,但是又替她開心....happy kelly~
|
|
|||
|
|
